Madre Teresa: Santa Foun iha Igreja Katolika

97

Madre Teresa, husi Calcutta, India, nebe ema hotu konhese liu husi ninia servisu ba ema kiak sira iha India, sei deklara sai SANTA liu husi serimonia iha Vaticano.

SALVIO ONLINE – Iha espektativa katak ema rihun ba rihun mak sei ba prezente iha Praça São Pedro hodi asisti serimonia nebe sei prezidi husi Papa Francisco.

Hafoin Madre Teresa mate iha tinan 1997 liu ba, nia hatudu ona milagre rua liu husi kura ema nai rua nia moras.

Iha India, sei halao serimonia iha Missionaries of Charity, kongregasaun nebe nia rasik harii iha Calcutta, India.

Papa Francisco sei prezide Misa no Kanonizasuan iha Prasa Sao Pedro, iha tuku 10.30 hora lokal.

madre teresa

Liu husi ninia servisu makaas ba ema kiak sira iha India, Madre Teresa hetan mos rekonhesimentu liu husi simu Nobel da Paz.

Maibe, Madre Teresa mos hetan kritika, tamba ema balu nota katak iha hospital sira nebe ninia kongresaun uza hodi halao atividade la dun iha hiziene (la dun mos). Nunee mos iha ema balu kritika katak nia simu osan husi lider ditador sira hodi halao ninia servisu karidade nee.

madre teresaaa
Kongresaun nebe Madre Teresa Harii Iha India, nafatin halao nia atividade too agora.

Madre Teresa mate iha 1997, ho tinan 87, no sai beata iha 2003. Beata mak etapa dahuluk molok sai SANTO.

Iha 2002, Vaticano desidi katak feto ida husi India nebe sofre tumor iha nia estomagu hetan kura hafoin nia reza ba Madre Teresa.

Iha tinan kotuk, Papa hahu loke dalan ba santidade, hafoin rekonhese tan milagre ba dala rua husi Madre Teresa.

FO KOMENTARIU